尖子成長之路｜寫俾我的學生趙詠兒Valerie Chiu｜2025時代雜誌十大年度少女｜TIME's Girls of the Year

👩🏻‍🏫 作為學校老師的小小記錄： 見證一位女孩，將「自我要求」化成溫柔的影響力🌟

先講明白：呢篇文唔係想「認親認戚」，亦唔係想「痴金糠」。我只係想記低，曾經見證過嘅幾個細節：詠兒係點樣由一個認真謹慎、對自己好高要求嘅小女孩，慢慢長成一個具有影響力、被國際認可嘅「時代少女」。🌱

嚴禁轉載聲明：本網站所存在的一切知識產權，屬於我們所有，或已合法地特許給我們在本網站上使用。由適用法例所授予的一切權行，茲在此予以保留。除我們給予特許外，閣下不得以任何形式及方式，創立衍生作品、下載、翻印、複製，或節錄我們的故事或文章內容放在其他網站圖利。

▶️ 初次相遇：零電子學習經驗，但唔退縮

我同詠兒第一次見面，係學校推行電子教學嘅年代。佢兒時喺屋企完全冇用過電子產品，所以一開始相當緊張。但係，佢嘅反應唔係退縮，而係「想快啲學識，仲要用得好好」。每堂都主動試新app、返到屋企反覆練習，務求做得又快又穩。

▶️ 學習態度：主動了解更多，先有更大進步

改作文時，我圈起可以再更進一步嘅內容。好多學生會「睇完就算」，但詠兒係少數會課後行埋嚟，細細聲問我：「呢段我應該點樣再寫深入一啲？」呢種主動尋求回饋嘅態度，係佢當時的年紀係少之有少。

▶️ 生活節奏：自律＋鬆弛，兩樣都要

考試前一個月，詠兒會為咗確保自己一定出席到各科所有考試，除了飲食以外都戴口罩、減少同人肢體接觸。呢份自律，係佢嘅優勢；但我都擔心佢會太繃緊。

我同詠兒提議：「出去玩下啦，放鬆完會做得更好。」

佢真係有聽入心，仲會帶住佢招牌式靦腆笑容向我報告：「Miss Chiu，我有去玩。」嗰刻我發現：原來比自己鬆一鬆，對頂尖學生來說，係另一種勇氣。

▶️ 面對競爭：不被名次牽着走，把焦點放在貢獻

同級不時有同學想同詠兒鬥一時之長短。但詠兒冇被校內競爭吞噬，去到初中，反而將注意力放去對世界更有用的方向：用自己學有所長去做科普、組織活動、帶動同齡人。

好多頂尖學生，唔係做唔到，而係擔心「做得唔夠以前好」、怕會「從級頭寶座滑落」。點樣將高要求，變成內在動力而唔係內耗壓力，係成長中一個好重要嘅分水嶺。

▶️ 溝通表達：由靦腆到大方，講得出、企得定

細個時，連想同我單獨合照都唔敢喺同學面前提出，要媽媽助攻先能夠於獲獎後合照一張；而家，面對各大傳媒專訪落落大方、答得到重點，堅定不移咁講自己理念。

呢種轉變唔係天生，而係累積：閱讀→思考→練習→反思→再講。講清楚、講中point、講得有說服力，本身就係一種領導力。

▶️ 底氣：來自父母穩定的愛

還記得從前與趙媽媽的交流。當年我曾經問過趙媽媽：「你係點教出Valerie對自己高要求、而又學習態度極佳的女兒？」

趙媽媽輕描淡寫道：「無㗎，都係順住佢本性去教，有需要時先提醒一下佢；平時都係由佢自己自由發揮～」

對於對自己要求高嘅小朋友，父母的接納與信任就係最大緩衝：被無條件愛包圍，高標準先會變成內在動力，而唔係內耗壓力。

🌟「傑出學生方程式」: 我喺詠兒身上見到嘅幾件事

不只是聚焦分數與摘星，而係多管齊下：

💡主動學習：唔明就問，唔識就學。

💡力求進步：接受意見→調整→再嘗試。

💡結構化輸入：先觀察、後吸收，唔做「應付式低效率作業」。

💡節奏清晰：讀書時讀書、遊戲時遊戲，睡眠足與勤運動是基本。

💡心理韌性：名次可變，方向不亂；輸贏之外，着眼貢獻。

💡溝通表達力：思想→語言→場域：講出重點、結構清晰、情理兼備，大方得體、堅定一致。

💡家庭支持：穩定關係與無條件接納，轉化高要求→內在動力。

結論：尖子＝習慣 × 節奏 × 支持系統 × 表達力，遠比測考分數更為關鍵。

我同詠兒相處嘅時間其實唔算長，但一路望住佢將「謹慎」化成「自律」，再由「自律」走到「利他」，心裏面只有兩個字：欣慰。

詠兒 @teen_animals_da_scientists，再一次恭喜你，亦多謝你！你證明咗：成功唔止係個人榮譽，仲可以照耀他人，讓更多人一齊發光發亮。

筆者簡介

Miss Charlotte Chiu

Charlotte's Writing Garden

創辦人及唯一導師

• 擁有豐富的英文教學經驗，致力於研究高效學習策略，讓學生透過寫作發展出思考能力。

• 善於啟發學生的創意思維，激發他們在文字表達中發現自我，打破語言學習的框架，讓學習寫作變得有趣。

• 透過線上學習平台分享實用的英文寫作技巧，深入了解學生需求，提供最適合尖子的學習計劃，助他們在英文寫作中更上一層樓。

• 相信每個學生都有無限潛能，透過正確的學習方法，可以輕鬆掌握英文寫作，為未來的學業奠定穩固基礎。